عاجل وفاه محمود العربي صاحب شركات توشيبا العربي

متابعه : راشه السيد

 قصة كفاح الحاج محمود العربي الملياردير المصري وصاحب شركات توشيبا العربي ، اللي بدأ حياته ب 30 قرش

يمكن كتير من الناس متعرفش شكله غير الغلابه والمسكين !! لانه كان سند وضهر ليهم ف كل وقت ودايما كان فاتح بيته ليهم ف اي وقت ومش بيحب يظهر ف الاعلام ولا بيحب الزيطه والزفه الكدابه ، ولا بيحب السياسه

لما بشوف هو كان بيعمل ايه بتذكر حديث النبي .. نعم المال الصالح للعبد الصالح ..

الحاج محمود العربي كان مشغل اكتر من 40 ألف موظف من أهل محافظته وغيرها علي مستوي مصر وفاتح بيوتهم بفضل الله

الحاج محمود العربي كان عامل مدرسه وكتاب مجاني ومستشفي عالميه اتكلفت الملايين لاهل قريته ولكل حد حب يزورها

الحاج محمود كان عامل مؤسسه خيريه بتنفق الملايين شهريا علي الأرامل والمحتاجين والفقراء

ده غير أنه بني اكتر من مسجد علي مستوي مصر واشهرهم واكبرهم مسجد الرحمن الرحيم بصلاح سالم

دي الأعمال الظاهره للناس واللي خفي اكتر واكتر ،

سواق تاكس بيحكى أنه كان معدي من قدام مسجد الرحمن وقال أما ادخل اشوف اللي الناس بتقول عليه خير ده ، قال دخلت لقيت الحاج محمود العربي قاعد فقلتله انا كبرت وعاوز انا ومراتي نحج قبل ما نموت

بيقول لقيته نادي علي سكرتيره يا فلان ، خلصلهم الحج السنادي

الراجل ده أولاده كلهم ميفرقوش عنه في الادب والتواضع والدين وحب الخير ، وبالرغم من انشغالهم ومتع الدنيا إلا انهم كلهم يحفظون القران ومجازون فيه ..

انا بكتب الكلام ده دلوقتي بعد وفاته بلحظات علشان كلنا ندعيله بالرحمه  ، الناس لازم تاخد حقها من صالح دعائكم